The manager
المدير العام
عدد الرسائل : 343
تاريخ التسجيل : 24/12/2008
 |  موضوع: الارض بتبكى  الجمعة ديسمبر 26, 2008 2:26 pm | |
|
الارض بتبكى
الارض بتبكى وبتنوح
وبتشكى المها وبتبوح
وبتحكى بصوتها المبحوح
وتقول من بعد طوفان نوح
ولا حدش كده بهدل فيا
من يوم المولى ماسخرنى
علشان بنى ادم وامرنى
اراعيه وسلالته تعمرنى
شايفه الانسان بيدمرنى
وكانه متوصى عــــــليا
مع انى مليانه بالخير
والرب بايده التدبير
والرزق وله الحمد كتير
والنمله والدود الطير
شبعانه كمان مستكفيه
طب ليه فى معارك وحروب
ودواهى وازمات وكروب
والضارب ويا المضروب
ايامهم لون الخروب
والكل ف ازمه اقتصاديه
بعمايله كمان بيلوثنى
ويدمر بيئتى ويوكسنى
ويقطع قلبى ويتعسنى
وانا شايفه الدم ملحوسنى
سايح من ناس كانوا ضحيه
وبغفله ولا ف الحواديت
وعشان ما تزيد التوابيت
م النعمه عمل سم مميت
ومدافع وكمان ديناميت
والأدهى.. اسلحه نوويه
مع انه برضه بنى حضاره
وفنون ومبانى وعماره
لكن الروح عايزه مناره
علشان النفس الاماره
بالشر عليه مستوليه
على ضهرى اللى يشوف اعماله
مايشوفش فى بطنى احواله
مَرْمى المسكين بين اوحاله
من بعد نضارته وجماله
اصبح للدود وجبه شهيه
| |
|
Prof Mero
عضو جديد
عدد الرسائل : 2
العمر : 34
الموقع : الاردن
تاريخ التسجيل : 31/12/2008
| | موضوع: رد: الارض بتبكى الأربعاء ديسمبر 31, 2008 8:14 am | |
| حلو كتير
ومعك حق بيلي كتبته ..
الانسان هو اللي بخرب متل ما هو اللي بعمر
بجد يسلم ايديك عهيك كتابات بجد عالوجع .. | |
|
SAMoOo
نائب المدير
عدد الرسائل : 80
العمر : 33
الموقع : www.elhayah.forumotion.com
تاريخ التسجيل : 30/12/2008
| | موضوع: رد: الارض بتبكى الأربعاء ديسمبر 31, 2008 12:00 pm | |
| الله على الكلام يا اسلام تسلم يا باشا | |
|
broken heart
نائب المدير
عدد الرسائل : 235
العمر : 35
الموقع : www.elhayah.forumotion.com
تاريخ التسجيل : 27/12/2008
| | موضوع: رد: الارض بتبكى الأحد يناير 04, 2009 3:07 pm | |
| اية دة يا سولوم مكنتش اعرف انك شاعر بقلنا 3 سنين مع بعض واول مرة اعرف انك شاعر
تسلم ايدك يا باشا | |
|
